बृज पितामह “शिव” के सन्तान खोनमा सब चियै, थारु सबके बहौत पंहैत (थाकवंश) मे से “खोनमा” से हो एकटा थाकवंश चियै । खोनमा सबके बिगतके तथ्यांक और बिभिन्न संस्करणमे हमर पुर्खा सबसे तयार क्याल भौतीक संस्करण बाजै छै, खोनमा सब खास कैरके सिरहा, सप्तरी, उदयपुर सुनसरी, मोरंग, झापा जिल्लामे बसोवास करै छै ।

बिभिन्न काम और प्रसंगवस देश और विदेश भैर छिटल रहल खोनमा बन्धु सबके बिचमे एकिकृत एकमुष्ट क्याल गेल पुर्खा और सन्तान सबके वंशीय जानकारी के ब्यवस्थित संग्रह चियै । यी अनलाईन संस्करण तयार करैमे हमर समस्त खोनमा बन्धुसब धन्यवादके पात्र छै । यी अनलाईन संस्करण भैरोगन्ज बेल्हा, सप्तरी निवासी आदरणीय बाबा स्व.महाजन झगरु दास चौधरी खोनमा और कठौना, सप्तरी निवासी बाबा श्री मिहि लाल चौधरी खोनमाद्वारा लिपिवद्ध क्याल गेल खोनमा दिग्दर्शन (खोनमा बंशावली समिति २०४८, प्रथम संस्करण -२०५२ दोसर संस्करण -२०५६, तैहनंग खोनमा वंशावली तदर्थ समिति-२०६६ के तत्कालिन अध्यक्ष श्री अजय कुमार चौधरी, संयोजक सब श्री खुशी लाल चौधरी, श्री ईन्द्र नारायण चौधरी, श्री ईन्द्रदेव चौधरी, श्री दयाराम चौधरी और सचिन्द्र चौधरी रहल तेसर संस्करण -२०७१) मे उपलब्ध भेल्हा तथ्यांक सबके संकलन और ब्यबस्थापन क्याल गेल छै । यी बिगतके संस्करण अखिन्तो यै साईटके दस्तावेज शीर्षकमे सुरक्षित छै ।।

यी डिजीटल संस्करण प्रत्येक खोनमा सबके हाथ हाथमे पहुचे या अपन वंशज सम्बन्धि जानकारीके लेल सहयोगी बने, तैहनंगे और और थाक वंशके सेहो एसे सकारात्मक सन्देश प्रवाह हेवे से आशा राख्ने चियै । धन्यवाद ।।